अहिल्यानगर वेब टिम : शहरातील नवलेनगर परिसरातून पहाटे फिर्यादी सौ. सिताबाई दिनेशकुमार मंडल (वय-६०) यांचे दोन तोळ्यांचे मंगळसूत्र हिसकावून पळून गेलेल्या आरोपीला तोफखाना पोलिसांनी अटक केली आहे. आरोपीकडून चोरी केलेले मंगळसूत्र आणि गुन्हा करताना वापरलेली मोटरसायकल असा एकूण १,२५,००० रुपये किमतीचा मुद्देमाल जप्त करण्यात आला आहे.
दिनांक ६ ऑगस्ट २०२५ रोजी पहाटे ५:३० वाजता सिताबाई मंडल या नवलेनगर येथील मारुती मंदिरातून दर्शन घेऊन घरी परतत असताना, एका अनोळखी इसमाने त्यांच्या गळ्यातील मंगळसूत्र हिसकावले आणि मोटरसायकलवरून पळ काढला होता. या प्रकरणी तोफखाना पोलीस स्टेशनमध्ये गुन्हा दाखल करण्यात आला होता.
या गुन्ह्याचा तपास करत असताना, पोलिसांनी नागापूर गावठाण परिसरात सापळा रचून आरोपी किरण दशरथ पालवे (वय-२४) याला ताब्यात घेतले. चौकशीदरम्यान, त्याने गुन्ह्याची कबुली दिली. त्याच्याकडून चोरीस गेलेले ८ ग्रॅम वजनाचे मंगळसूत्र आणि गुन्ह्यासाठी वापरलेली मोटरसायकल पोलिसांनी जप्त केली आहे.
ही कारवाई पोलीस अधीक्षक श्री. सोमनाथ घार्गे, अपर पोलीस अधीक्षक श्री. वैभव कलुबमें आणि उपविभागीय पोलीस अधिकारी श्री. अमोल भारती यांच्या मार्गदर्शनाखाली तोफखाना पोलीस स्टेशनचे अधिकारी आणि कर्मचाऱ्यांनी केली. यामध्ये पोलीस निरीक्षक आनंद कोकरे, सहायक पोलीस निरीक्षक गणेश वारुळे, पोलीस उपनिरीक्षक योगेश चाहेर, पो.हे.कॉ. सुनील चव्हाण, नितीन उगलमुगले, अब्दुलकादर इनामदार, योगेश चव्हाण, भानुदास खेडकर, सुधीर खाडे, सूरज वाबळे, पो.कॉ. सुमित गवळी, अविनाश बर्डे, सतीश त्रिभुवन, सुजय हिवाळे, बाळासाहेब भापसे, सतीश भवर, दादा रोहोकले आणि भागवत बांगर यांचा समावेश होता.